f

Lorem ipsum dolor sit amet, consectetur adipiscing elit, sed do eiusmod tempor incididunt ut labore. Excepteur sint lorem cupidatat.

Image Alt

Praktik opslag – Reykjavik

KALAALLIT NUNAATA ISLAND-IMI REYKJAVIK-IMI SINNIISOQARFIA SULIFFIMMIK MISILIISUSSARSIORPOQ

Suliffik misiliiffik: Kalaallit Nunaata Reykjavikimi Islandimi Sinniisoqarfia

Suliffimmik misiliinerup sivisussusia: september 2020 – januar 31, 2021. Sapaatip akunneranut akunnerit 37-t sulisoqartarpoq.

Inissisimaffia sinniisoqarfimmiippoq:
Kalaallit Nunaata Reykjavikimi sinniisoqarfia 2018-imi pilersinneqarpoq Reykjavikillu qeqqani inissisimalluni. Sinniisoqarfimmi sulisut tassaapput sinniisoqarfimmi pisortaq aamma najugaqartoq ataaseq allatsitut sulivoq.
Suliffimmik misiliisoq sinniisoqarfimmiissaaq allaffillu ukuninnga ikiortassallugu: paasissutissanik ujarlerneq suliaqarnerlu, mailit, allakkat nutaarsiassat, suleqatigisanut ataatsimeeqatigisanut ingiallortaaneq, allakkianik nalunaarutiginninnernillu suliaqarneq, SoMe-mik aammalu nittartakkamik nutarterisarneq, suliassallu nalinginnaasut kiisalu ulluinnarni suliassat.
Suliassanut tunngasut suliffimmik misiliininni ilisimasaqarfigilersinnaasatit:
Nunatta Reykjavikimi Sinniisoqarfiani Kalaallit Nunaata aamma Islandip suleqatigiissutai patajaallisarniarlugit assigiinngitsutigut sulissuteqarpoq.
Ukiuni kingullerni marlussunni Islandimik suleqateqarneq pitsanngortinneqarsimasorujussuuvoq aammalu ilaatigut aalisarnerup, peqqissaanerup, niueqatigiinnerup, takornarialerinerup, timmisartukkut angallannerup kiisalu uumasunut nakorsaqarnermut tunngasuni suleqatigiinnermut tunngasut siunissami annertunerusumik sammineqalernerussapput.
Islandip Issittumi Siunnersuisoqatigiinni Nunallu Avannarliit Ministerrådiani suleqataavoq taamaattumik Reykjavikimi sinniisoqarfiup Kalaallit Nunaata saqquminerutinneqarnissaa aammattaaq nunat tamalaat akornanni oqallittarfinni suleqatiginissaannut periarfissat erseqqissarnissai, taamaasilluni Islandip politikkikkut, niuernermut tunngavillit, kultureqarnermut ilisimatusarnermullu soqutiginaateqarsinnaasunik Kalaallit Nunaannut iluaqutissanngortinneqarsinnaanngoqqullugit. Misiliinermi politikikkut ingerlatseriaatsit politikillu pissusissamisoortumik sammineqassapput.
Suliami tassani suliffimmi misiliisup siunnersorti ilagalugu peqataanissaa naatsorsuutigineqarpoq, tassunga ilanngullugu aaqqissuussinernut ataatsimiinnernullu sinniisoqarfimmi sulisut allat peqatigalugit Nunanut Allanut Naalakkersuisoqarfimmut aammalu Namminersorluni Oqartussanut nalunaarusiussalluni.  Tamatuma saniatigut suliassat ilagivaat paasissutissanik katersineq suliarinninnerlu nalunaarusianit assigiinngitsuniit, tusagassiuutiniit internetimiillu siunertaralugu Sinniisoqarfiup allakkat nutaarsiassaataasa allannissai tassa suliffimmik misiliisup allannissaanut isumagisassai.
Kiisalu sinniisoqarfik sulianik allanik isumaginnittarpoq soorlu matumani pissutsit, tassunga ilanngullugit Kalaallit Nunaanni pissutsit pillugit Islandimi paasissutissiisarneq; Kalallit Nunaannit tikeraartinut ikiuuttarneq soorlu suliffinnik aamma suliffeqarfinnik aaqqissuussinermi suleqateqarnissamik pilersitsinissamut tunngasunik kissaateqarnernut tunngasunut ikiuuttarluni il.il.
Aammattaaq Naalakkersuisunut, Inatsisartunut qitiusumillu allaffeqarfimmut suliassanik Rekyavikimi imaluunniit Rekyavikimiit aaqqinneqartussanik isumaginninnermigut kiffartuussisarluni.
Suliffimmik misiliinerup siunertaa:
Matumani ilinniarnermut atatillugu suliffimmik misiliineq pineqarpoq. Suliffimmik misiliineq ilinniartup ilinniarneranut iluaqutaassaaq, imatullu aaqqissuunneqassalluni ilinniarfiup pineqartoq akuerippagu angusimasanik ilinniarnermut allamut nuussinissaq (meritoverførsel) qulakkeerneqassalluni. Suliffimmik misiliinnginnermi ilinniarfiit isumaqatigiissuteqarfigeqqaartariaqarpat pointinik ECTS-iusunik nuussisinnaanersutit imaluunniit allatut  ilinniakkamut tunngasumut suliffimmik misiliinermut akuerineqarnissannut.
Suliffimmik misiliisumut naatsorsuutigisat:
Inuiaqatigiinnik ilisimatusarnermi ingerlaqqiffiusumik ilinniartuuneq, soorlu ukununnga: cand. jur., cand.scient.pol, cand.oecon, cand.polit., cand.merc.jur imaluunniit bachelor.
⦁ Kalaallit Nunaata nunanut allanut naalakkersuinikkut atassuteqarneranik soqutigisaqartuuneq –  paasisimasaqartuunerlu.
⦁ Kalaallisut, qallunaatut tuluttullu allattariarsornermik oqaluttariarsornermillu piginnaaneqarluarneq.
⦁ Tunuarsimaartuunnginneq nammineersinnaaneq sulissuteqarusussuseqartuunerlu.
⦁ Ammasuuneq suleqatigiinnissamik pingaartitsisuuneq ilinniarumassuseqarnerlu.
⦁ MS Office pakke-mik nalinginnaasumik atuisinnaaneq piumasaqaataavoq, inoqatinut attaveqaatinik atuisinnaaneq nittartakkanillu aaqqissuussinermik ilisimasaqarneq iluaqutaassaaq.
Suliffimmik misiliinermut piumasaqaatit:
Suliffimmik misiliinissamut piukkunnaateqassaguit suliffimmi misiliinerup nalaani ilinniarfimmi qaffasinnerusumi ilinniagaqartutut nalunaarsorsimassaatit, suliffimmik misiliinerup nalaani assersuutigalugu ilisimatusarfimmi.
Suliffimmik misiliinermi akissarsiaqartitsisoqanngilaq kisianni suliffimmik misiliisuuninni najukkami aningaasartuutinik (soorlu inigisamut akiliutit) qaammammut 4.000 koruunit tikillugit inuuniarnermi aningaasartuutit ilaat akilerneqarnissaannut matussutissanut utertitsivigineqartassaatit.
Tunngavittut misiliilluni sulisussap nammineerluni ineeqqamik/inissiami inissarsiornissani akisussaaffigissavaa. Sinniisoqarfilli attavissarsiornermi, oqarasuaatit normuinik, e-mail-inik najukkanillu il.il. ikiuussinnaavoq.
Ulloq qinnuteqarfissaq kingulleq: 14. april 2020
Qinnuteqaat nassiunneqassaaq uunga:
Qinnuteqaat naatsoq, CV, soraarummeersimanermut uppernarsaatit oqaaseqaatillu attuumassutillit allat ilanngullugit “Suliffimmik misiliisutut qinnuteqaat-“mik nalunaaqutserlugu uunga mailikkut nassiunneqassaaq jsis@nanoq.gl.
Qinnuteqaat uppernarsaatinik imalik PDF-inngoqquneqarpoq.
Naalakkersuisut nittartagaat aamma takuuk
____________________________________________________________________________________________________________________________________________________________________________________________

PRAKTIKOPSLAG TIL GRØNLANDS REPRÆSENTATION I REYKJAVIK

Praktiksted:  Grønlands Repræsentation i Reykjavik, Island
Praktikperiode: September 2020 – 31. januar 2021. Ugentlig arbejdstid 37 timer.
Placering på repræsentationen:
Grønlands Repræsentation i Reykjavik blev oprettet i 2018 og er beliggende midt i centrum af Reykjavik. Repræsentationen består af en udsendt Repræsentationschef og en lokal ansat sekretær.
Praktikanten placeres på repræsentationen og bistår kontoret med informationssøgning og – bearbejdelse, mails, nyhedsbreve, ledsager til møder med samarbejdspartnere, udarbejder notater- og indberetninger, SoMe og hjemmesideopdateringer og forefaldende samt praktiske opgaver.
Sagsområder, du vil kunne træffe på bekendtskab med under praktikopholdet:
Grønlands Repræsentation i Reykjavik arbejder for at styrke de bilaterale relationer mellem Grønland og Island på en række områder.
Samarbejdet med Island er gennem de seneste par år blevet styrket væsentligt og samarbejdsområder indenfor bl.a. fiskeri, sundhed, turisme, handel, luftfart og veterinærområdet som kommer til at have yderligere fokus fremover.
Island deltager aktivt i bl.a. Arktis Råd, Nordisk Ministerråd samt Vestnordisk Råd hvorfor repræsentation i Reykjavik skal synliggøre Grønland og de muligheder for samarbejde der eksisterer i internationale fora, således at islandske politiske, kommercielle, økonomiske, kulturelle og forskningsmæssige interesser kan udmøntes til gavn for Grønland. Opholdet vil have en naturlig fokus på de politiske processer og politikker.
Praktikanten forventes at deltage i dette arbejde sammen med vejlederen, herunder deltagelse i arrangementer og møder sammen med repræsentationens øvrige ansatte og udarbejde indberetninger til Departementet for Udenrigsanliggender og Selvstyret i øvrigt. Herudover er det en del af arbejdsopgaverne at indsamle og bearbejde informationer fra diverse rapporter, medier, internettet med henblik på opdatering af repræsentationens sociale medier, som praktikanten vil få ansvaret for.
Endelig varetager repræsentationen en række andre forhold, herunder at formidle information om grønlandske forhold i Island; bistå besøgsgrupper fra Grønland så som virksomheder og institutioner med ønske om at etablere programsamarbejde mv.
Repræsentationen yder desuden service til Naalakkersuisut, Inatsisartut og centraladministrationen gennem varetagelse af de opgaver, som måtte være mest hensigtsmæssige at løse i eller fra Reykjavik.
Formålet med praktikopholdet:
Der er tale om uddannelsespraktik. Praktikopholdet skal bidrage til den studerendes uddannelse og vil blive tilrettelagt på en måde, der vil kunne sikre meritoverførsel, hvis det pågældende studiested tillader dette. Inden praktikopholdet bør du aftale med din uddannelsesinstitution, om du kan godskrive points under ECTS eller evt. opnå en anden form for studierelevant anerkendelse for praktikopholdet.
Forventninger til praktikanten:

Overbygningsstuderende i et samfundsvidenskabeligt fag fx cand. jur., cand.scient.pol, cand.oecon, cand.polit., cand.merc.jur el. bachelor.

  • Have indblik – og interesse i Grønlands udenrigspolitiske relationer.
  • Have gode formuleringsevner mundtligt såvel som skriftligt på grønlandsk, dansk og engelsk.
  • Have gåpåmod, være selvstændig og initiativrig.
  • Være åben, samarbejdsorienteret og villig til at lære.
  • MS Office pakken på brugerniveau er et krav og kendskab til redigering af hjemmesider og brug af sociale medier er en fordel.

Praktikvilkår:

For at komme i betragtning til en praktikplads, skal du være tilmeldt et studium ved en højere læreanstalt, fx et universitet under praktikopholdet.
Praktikopholdet er ulønnet, men du vil som praktikant modtage refusion af lokale udgifter (fx husleje) på op til 4.000 kr. pr. måned til delvis dækning af leveomkostningerne.
Praktikanten er i princippet selv ansvarlig for anskaffelse af værelse/lejlighed. Repræsentationen kan dog være behjælpelig med kontakter, telefonnumre, e-mailadresser, m.v.

Ansøgningsfrist  14. april 2020
Ansøgningen sendes til:
Kortfattet ansøgning bilagt CV, eksamensbevis og eventuelle udtalelser mærkes ”Praktikantansøgning” og sendes pr. mail til jsis@nanoq.gl
Ansøgningen med tilhørende dokumentation bedes indscannes i ét PDF dokument.
Se også Naalakkersuisuts hjemmeside.

Paasissutissat allat pillugit una attavigiuk:
Sinniisoqarfimmi pisortaq
Jacob Isbosethsen,
Oqa. + 354 6655610
imaluunniit jsis@nanoq.gl

 

 

Yderligere oplysninger
For yderligere oplysninger kontakt:
Repræsentationschef
Jacob Isbosethsen
Tlf. + 354 6655610
e-mail:jsis@nanoq.gl