Menu

INUNNIK ISUMAGINNINNERMUT IMMIKKOORTOQARFIK

Kikkuvugut?

Danmarkimi Kalaallit Illui sisamaasut, København-imi, Odense-mi, Aarhus-imi Aalborg-imilu Danmark-imi kalaallit soqutigisaannik sullissisuupput, soqutiginnittunullu tamanut pissutsinik kalaallinut tunngasunik paasissutissiisarlutik. Århus-imi isumaginninnermik immikkoortortaqarfik kalaallinik isumaginninnermi siunnersortinik marlunnik sulisoqarpoq.

Sumiippugut?

Aarhus-imi Kalaallit Illuata Region Midtjylland sullippai. Regionimi taasumani najugaqaruit ikiortinnissamut periarfissaqarputit.

Susinnaavugut?

  1. Akeqanngitsumik kalaallit Danmark-imi najugaqartut isumaginninnermut tunngassuteqartunik siunnersorsinnaavagut
  2. Danmark-imi pisortaqarfiit suliffeqarfiillu namminersortuusut pissutsit immikkut kalaallinut Danmark-imiittunut tamanut ataasiakkaanullu atuuttut pillugit ikiorsinnaallugillu siunnersorsinnaavagut. Taamatuttaaq aamma Nunatsinni pisortaqarfiit Danmark-imi pissutsit pillugit siunnersorsinnaavagut
  3. Oqaluttaasarpugut kalaallisuumiit qallunaatut qallunaatuumiit kalaallisuumut imalunniit ilinniarsimasunut oqalutsinut innersuussisinnaavugut
  4. Isumaginninnermi Pisortaqarfiit suleqatigalugit kalaallit pillugit isumaginninnermut tunngasunik kalaallinullu piffinniittunik suliaqartarpugut


Assersuutit:

  1. Nakorsat imaluunniit ulluinnarni ingerlatitsisut oqaloqatiginiartillugit oqalutseqassaguit
  2. Qallunaat Nunaanni pissutsit paatsiveqartinngikkukkit oqaluttuussinnaavatsigit
  3. Meqqannut ilaqutariinnermulluunniit ajornartorsiuteqaruit oqaloqatigisinnaavatsigit
  4. Kiserlioruit kisimiittutulluunniit misigiguit ikiorsinnaavatsigit, soorlu kalaaleqatinnut Kalaallillu Peqatigiiffinut atassuteqartilerlutit


Aningaasatigut ikiorsiinissamut periarfissaqanngilagut

Nipangersimasussaatitaavugut aammalu ataqqissavarput atit/kinaassutsilluunniit isertuunniarukku

Aarhus-mi Kalaallit Illuat, Dalgas Avenue 52, 8000 Aarhus C, oqarasuaat 86 110288, illup nalinginnaasumik ammasarfiini atassuteqarfigiuk isumaginninnermilu siunnersortit oqaloqatiginiarlugit